ԼկրտածըYENİ
%25
22.50 TLEtiket Fiyatı: 30.00 TL
Kategori Վէպ
Dili Հայերէն
Editör Սեւան Տէյիրմենճեան
Kapak tasarımı Արէտ Կըճըր
Baskı bilgileri Ա տպագրութիւն, Փետրուար 2020
Sayfa ve boyut 256 էջ, 13x19,5 սմ
ISBN 9786052100578

Լկրտածը

-Զաւէն Պիպեռեան

%25
22.50 TLEtiket Fiyatı: 30.00 TL
Kategori Վէպ
Dili Հայերէն
Editör Սեւան Տէյիրմենճեան
Kapak tasarımı Արէտ Կըճըր
Baskı bilgileri Ա տպագրութիւն, Փետրուար 2020
Sayfa ve boyut 256 էջ, 13x19,5 սմ
ISBN 9786052100578

Açıklama

Զաւէն Պիպեռեանի առաջին վէպն է «Լկրտածը», որ հրատարակուած է 1959-ին։ Հանրապետական շրջանի ստանպուլահայ գրականութեան անդրանիկ վէպերէն մէկն է այս ստեղծագործութիւնը, որ արժանացած է ժամանակակիցներու դրական գնահատանքին։ Պոլսոյ ամարանոցային աւաններէն մէկը՝ Էրենգիւղը, թատերաբեմն է շաբաթավերջեան իրադարձութիւններու։ Հասարակական տարբեր խաւերուն դրացնութիւնը կամ անոնց հեռաւորութիւնը, անկախ իրենց ազգային պատկանելիութենէն, Պիպեռեան կու տայ լեզուական հնարքներով, շարժանկարային հատու դրուագումներով՝ նրբօրէն զարգացնելով ծածուկ լարուածութիւնը, որ վէպի աւարտին պիտի յանգի ոճրագործութեան։

Դասակարգային մակերեսի մը տակ թաղուած է նաեւ հայոց ազգային աղէտին արձագանգները, որոնք բացայայտ կը դառնան խորքային ընթերցումով մը։

«Լկրտածը», որ Զաւէն Պիպեռեանի առաջին վէպն ըլալով հանդերձ, իր ստեղծագործական կեանքի լաւագոյն գրութիւններէն մէկն է նաեւ, հայելի մըն է՝ բռնուած կանանց, տղամարդկանց, ընտանիքի, հայութեան, թրքութեան, քաղքենիութեան, գաւառացիութեան տակաւին անլոյծ հարցերուն։

Arka Kapak

-Կենացդ:

Խմեց, գլուխը դրաւ Ալիին ուսին, աչքերը փակեց: Հոն չէր հիմա ա՛լ: Ինք ալ չէր գիտեր թէ ուր էր: Ուղեղը կարծես կ՚ուռենար, եւ տաքութեան հետ՝ յարաճուն ժխոր մը կը լեցուէր ականջներուն մէջ:

Ալի ապուշցած էր: Օգտուիլ անգամ չէր խորհեր: Վոտքայի գաւաթը ձեռքը, անշարժ կը մնար վախնալով որ ամենաթեթեւ շարժումը հմայքը կը խզէր:

Վերջապէս գաւաթը տարաւ բերնին, կէսը պարպեց: Չհասկըցաւ թէ ինչ ըմպելի էր ադ:

Շոգեկառքի սոյլը տարածուեցաւ, հեռաւոր բայց աղեխարշ: Կիւլկիւն լսեց ու սարսռաց: Հեծկլտանքը կապեց խռչափողը: Գեղջկուհիին լաջակը՝ արցունքոտ աչքերու վրայ: Ամայի, անծայրածիր դաշտը անատոլեան տափաստանին: Մռայլ կոթողը պետութեան՝ կայարանի շէնքը, մոխրագոյն, կորսուած՝ ամայութեան մէջ: Եւ անծանօթ կինը: Եւ գեղջկուհին՝ սպիտակ գոլորշիներու ետին: Եւ սուլումը:

Yazar Hakkında

-Զաւէն Պիպեռեան

-Զաւէն Պիպեռեան

Ծնած է 1921-ին, Պոլսոյ Չենկելգիւղ թաղը։ Յաճախած է Գատըգիւղի Արամեան-Ունճեան, Տիպար կրթարան (Սուլթանեան) եւ Սեն Ժոզեֆ վարժարանները, բարձրագոյն կրթութիւնն ալ ստացած՝ Առեւտրային գիտութեանց ակադեմիայէն։

 

Աշխատակցած է պոլսահայ ու սփիւռքահայ մամուլին, երբեմն մաս կազմելով նաեւ անոնց խմբագրակազմերուն։ Քաղաքական ճնշումներու հետեւանքով 1949-էն սկսեալ քանի մը տարի, մինչեւ 1953 թուականը, բնակութիւն հաստատած է Պէյրութ։

 

Պիպեռեան ունեցած է նաեւ քաղաքական գործունէութիւն. 1965-ի խորհրդարանական ընտրութիւններուն եղած է երեսփոխանական թեկնածու՝ Թուրքիոյ Բանուորական կուսակցութեան շարքերէն։ 1968-ի քաղաքային մարմիններու ընտրութիւններու արդիւնքին նոյն կուսակցութեան անունով ընտրուած է Իսթանպուլի քաղաքապետական խորհուրդի անդամ, եղած՝ այդ խորհուրդին փոխ-նախագահը։

 

Գրականութեան առընթեր սիրողաբար հեղինակած է գեղանկարներ, արձանիկներ, շինած՝ խաղալիքներ. Մեծ կղզիի հանդէպ ունեցած է պաշտամունքի հասնող սէր մը։

 

Մահացած է 4 հոկտեմբեր 1984-ին, Պոլիս։ Թաղուած է Շիշլիի ազգային գերեզմանատան մտաւորականներու թաղը։

 

Գործածած է հետեւեալ գրչանունները՝ Անի Ազատ, Սեւանի Մակուկավարը, Զ. Բարտիեան, Պ. Զ. Շիրակ, Ք. Անանեան, Նեմեզիս, Կինօֆիլ. եւն.:

 

Զաւէն Պիպեռեանի հայերէնով հրատարակած հեղինակային գիրքերն են «Լկրտածը» (վէպ, 1959), «Ծովը» (պատմուածքներ, 1961), «Անկուտի սիրահարներ» (վէպ, 1962), «Մրջիւններու վերջալոյսը» (վէպ, 1984, ամբողջական հրատարակութիւնը՝ 2007)։

YAZARIN DİĞER KİTAPLARI

KATEGORİ KİTAPLARI

KATEGORİLER

OKUMA PARÇASI

UYARI

Salgın kaynaklı olağanüstü koşullar nedeniyle haftada sadece bir gün kargo teslimatı yapabilmekteyiz. Lütfen siparişinizin
elinize olağan zamanlara göre daha gecikmeli
olarak ulaşabileceğini dikkate alınız.

PODCAST: SON OKUMA

YENİ BASKILAR

ÇANTANIZ BİZDEN

FIRSAT KÖŞESİ

BİZİ TAKİP EDİN

HABER BÜLTENİ