Դէպի գիրք առաջնորդող «Հիփփօ»ներ
%35

Դէպի գիրք առաջնորդող «Հիփփօ»ներ Մեծ տղաքը կու լան, Իմ գիրքս (ո՛չ թէ քու), Ժիլն ու վիշապը, Դպրոցական պզտիկ պայուսակ մեծ արկած

78,00 

Etiket Fiyatı: 120,00 

%35

Açıklama

Սկիզբէն իսկ խուսափեցանք մեր գիրքերը ըստ տարիքի դասակարգելէ եւ նախընտրեցինք, որպէս առաջարկ նուազագոյն տարիք մը որոշել, որովհետեւ կը հաւատանք, թէ իւրաքանչիւր մանուկ գիրքերու եւ ընթերցանութեան հետ կը հաստատէ իւրայատուկ կապ մը, որ անկարելի է սահմանափակել։ Ինչպէս վերնագիրէն ալ յայտնի է, այս կապոցին մէջ գտնուող չորս գիրքը հասցէագրուած է այն մանուկներուն, որոնք տակաւին մուտք չեն գործած գիրքերու երեւակայական աշխարհէն ներս։ «Պզտիկ դպրոցական պայուսակ, մեծ արկած», որ պիտի օգնէ յաղթահարելու նախադպրոցական տարիքի մանուկներու դպրոցական վախը, «Ժիլն ու վիշապը», որ տխուր աւարտ ունեցող հեքիաթը վերստին գրի առնող աղջկան մը միջոցով ցոյց կու տայ, թէ մանուկները կրնան ո՛չ միայն կարդալ, այլ նաեւ գիրք գրել, «Իմ գիրքս, ո՛չ թէ քու», որու իւրաքանչիւր էջին վրայ պայթող ծիծաղը մեծահասակներն իսկ կը դարձնէ իր մոլին, եւ վերջապէս «Մեծ տղաքը կու լան», որու շնորհիւ պիտի կարենաք ձեր զաւկին հետ աւելի դիւրութեամբ խօսիլ զգացումներ արտայայտելու, լալու եւ հանրային սեռի վերաբերող նիւթերը։ Բարի՛ եկաք, փոքրիկնե՛ր, գիրքերու անկրկնելի աշխարհ։

Sitemize giriş yaparak kişisel verileriniz, site kullanımınızı analiz etmek, sosyal medya özellikleri ve reklamları kişiselleştirmek amacıyla çerezler aracılığıyla işlenmektedir. Detaylı bilgi için Çerez Politikası Metni’ni okuyabilirsiniz. Anladım butonuna tıklayarak açık rıza beyanında bulunmuş olursunuz.