Իսթանպուլահայերը կը կանչեն

Թորոս Թորանեան

Stokta Yok
Սեռ՝Յուշագրութիւն
Լեզուն՝Հայերէն
Կողքի ձեւաւորում՝

Վարդան Փաչաճը

Տպագրութեան մասին՝

Ա տպագ., Դեկտեմբեր 1997

Էջն ու չափերը՝

136 էջ, 13x19,5 սմ

ISBN

9789757265101

Բացատրութիւն՝

Հալէպահայ յայտնի գրող, մտաւորական Թորոս Թորանեանի նոր մէկ աշխատութիւնն է այս գիրքը: Թորոս Թորանեան ծնած է Հալէպ 1928ին: Ան մէկն է, որ մօտաւորապէս ստորագրած է , 50 աւելի գիրքեր: Թորոս Թորանեան հաղորդական բնաւորութեամբ, լեռնական Սասունցիի տաք սրտով 1996ին այցելեց Ստանպուլ Սայաթ Նովա Երգչախումբի հրաւէրով, շարք մը բանախօսութիւններ տալու համար: Վերադարձին իր Ստանպուլեան տպաւորութիւնները գրի առաւ:

Գրքին մէջ կը գտնուի այս  այցելութեան յուշերը, ապրումները եւ տպաւորութիւնները եւ երկրորդ բաժնին մէջ կը գտնենք նաեւ «Հակիրճ Ակնարկ Մը Իսթանպուլահայ Գրողներու Մասին» աշխատասիրութիւնը գրի առնուած 1995ին: Սերտելի հրատարակութիւն մըն է, կարելի է կարդալ մեծ հաճոյքով եւ գտնել հոն Ստանպուլահայութեան վերջին տարիներու գրական անցուդարձները:

Հեղինակին մասին՝

Թորոս Թորանեան

Թորանեան որպէս տարագիր հայ ընտանիքի զաւակ ծնած է 1982ին Հալէպ, ուր 1943-ին աւարտած է Կիւլպենկեան վարժարանը։ Երկու տարի տեղւոյն Ամերիկեան քոլեճը յաճախելէ ետք, ուսման ընթացքը աւարտեց Կիպրոսի Մելգոնեան կրթական հաստատութեան մէջ։ Վերադառնալով Հալեպ՝ կատարեց տարբեր աշխատանքներ։ Բանաստեղծութիւններու առաջին հատորը հրատարակուեցաւ Պէյրութի մէջ, 1960-ին։ Նոյն տարին գնաց Սոֆիա, ուր երեք եռամսեայ հետեւեցաւ քաղաքագիտութեան դասընթացքի։ Սուրիա վերադառնալէ ետք անցաւ Երեւան, ուր տարի մը հետեւեցաւ հայագիտութեան, ապա մուտք գործեց Երեւանի բժշկական ինստիտուտ, զոր աւարտեց 1970-ին։ Սուրիոյ մէջ որպէս բժիշկ քսան տարի պաշտօնավարելէ ետք հանգստեան կոչուեցաւ եւ ինքզինք ամբողջութեամբ նուիրեց գրականութեան։ Գրեց ո՛չ միայն բանաստեղծութիւն, այլեւ ուղեգրութիւն, պատմուածք եւ տարբեր ուսումնասիրութիւններ։ Ունի շուրջ հարիւր յիսուն հրատարակութիւն, որոնցմէ տասներկուքը չափածոյ է։

Sitemize giriş yaparak kişisel verileriniz, site kullanımınızı analiz etmek, sosyal medya özellikleri ve reklamları kişiselleştirmek amacıyla çerezler aracılığıyla işlenmektedir. Detaylı bilgi için Çerez Politikası Metni’ni okuyabilirsiniz. Anladım butonuna tıklayarak açık rıza beyanında bulunmuş olursunuz.