Հայերէն բառգիրք

Գեղամ Քերովբեան

41,25 

Etiket Fiyatı: 55,00 

%25
Սեռ՝Բառգիրք
Լեզուն՝Հայերէն
Տպագրութեան մասին՝

Ա տպագ., Հոկտեմբեր 2002
Գ տպագ., Հոկտեմբեր 2019

Էջն ու չափերը՝

568 էջ, 11x17 սմ

ISBN

9789757265511

Բացատրութիւն՝

Հայերէնի ուսուցիչ Գեղամ Քերովբեան-Իշքօլի (1924-1980) «Հայերէն բառգիրք աշխարհաբար լեզուի» աշխատութիւնը լոյս տեսած է 1962-ին: Քերովբեան-Իշքօլ բառարանը կազմած է դպրոցականներու անմիջական պահանջները գոհացնելու մտադրութեանբ եւ հայ բառերը իրենց յատուկ ու նաեւ փոխաբերական ինաստով դիւրութեամբ ծանօթացնելու նպատակով։

Հեղինակին աշակերտներէն Արտաշէս Մարկոսեանի խմբագրութեամբ՝ այս հրատարակութիւնը խմբագրական միջամտութիւններով ու բազմահարիւր նոր թրքերէն համարժէքներով «վերամշակուած» տարբերակ մըն է: Հատորը կը բաղկանայ մօտ 10.000 բառէ:

Հեղինակին մասին՝

Գեղամ Քերովբեան

Գեղամ Քերովբեան (Իշքօլ) ծնած է 20 Յուլիս 1924ին Ստանպուլ՝ Բանկալթը։ Նախակրթութիւնը բոլորելով Թագսիմի Էսաեան վարժարանի մէջ, 1937ին կ՚արձանագրուի Ղալաթիոյ Կեդրոնականը, ուրկէ շրջանաւարտ կ՚ըլլայ 1943ին։ Բարձրագոյն ուսում կ՚ստանայ ճետեւելով Ստանպուլ համալսարանի դասընթացքներուն, կը վկայուի փիլիսոփայութեան ճիւղէն։ Միջոց մը համալսարանական ընկերներով կը հրատարակեն «Տոսթ» անուն թրքերէն գրական հանդէս մը։ Իբրեւ ասպարէզով ուսուցիչ՝ քաղաքիս կարգ մը հայ վարժարաններուն մէջ երկար տարիներ դասաւանդած է հայոց լեզու եւ գրականութիւն, գրաբար, հոգեբանութիւն եւ փիլիսոփայութիւն։ Պատրաստած է Հայերէն Բառգիրք Աշխարհաբար Լեզուի անուն գործը, որ լոյս տեսած է 1962ին։ Երկրորդ գիրքը՝ Աւանդական Պատմութիւն Հայոց, Հայկազանց Շրջան անուն դիցաբանական աշխատասիրութիւնը լոյս տեսած է 1968ին «Ժամանակ» օրաթերթի մատենաշարէն [Նոյեմբեր 2000ին ալ Արաս հրատարակչատունէն՝ թարգմանաբար թրքերէնով —Միթոլոժին Էրմէնի Թարիհի]։ Քերովբեան1970ին հաստատուած է Գերմանիա, ուր Պոխումի համալսարանին մէջ աւանդած է հայոց լեզու ու դիցաբանութիւն։ Պատրաստած է նաեւ նախաքրիստոնէական շրջանի հայ դիցաբանութեան մասին ընդարձակ աշխատասիրութիւն մը գերմաներէնով։ 1980ի Յունուարին Պոխումի մէջ վաղահասօրէն կնքած է իր մահկանացուն՝ կեանքի ամենաբեղուն շրջանին։

Sitemize giriş yaparak kişisel verileriniz, site kullanımınızı analiz etmek, sosyal medya özellikleri ve reklamları kişiselleştirmek amacıyla çerezler aracılığıyla işlenmektedir. Detaylı bilgi için Çerez Politikası Metni’ni okuyabilirsiniz. Anladım butonuna tıklayarak açık rıza beyanında bulunmuş olursunuz.