Վալանթին Մազլում՝ Դաստիարակ Դաշնակահարը

Վալանթին Մազում

33,75 

Etiket Fiyatı: 45,00 

%25
Yurtdışı fiyatı: 
$5,00 - €4,00
Սեռ՝Յուշամատեան
Լեզուն՝Հայերէն
Տպագրութեան մասին՝

Ա տպագ., Մարտ 2008

Էջն ու չափերը՝

176 էջ, 16x24 սմ

ISBN

9789757265979

Բացատրութիւն՝

Այս յուշամատեանը կը պատմէ դաշնակահար Վալանթին Մազլումի կեանքն ու գործունէութիւնը, կու տայ իր յուշերն ու գրութիւնները, նուագահանդէսներուն ու աշակերտական ունկնդրութիւններուն արձագանգները, իր մասին գնահատագիրեր, սրտի խօսքեր, ինչպէս նաեւ լուսանկարներ ու յայտագիրի պատճէններ: Նախաբանը գրի առած է Մազլումի առաջին սաներէն Անայիս Անդրէասեան-Եալտըզճեան։ Ան կը նշէ, թէ հաւաքական գործակցութեամբ պատրաստուած հատորը իրականացումն է Վալանթին Մազլումի փափաքին, որ էր կողքի մը տակ հաւաքել իր տարիներու գործունէութեան արդիւնքներն ու արձագանգները։

Հեղինակին մասին՝

Վալանթին Մազում

Վալանթին Մազլումեան ծնած է Պոլիս, Պաքըրգիւղ թաղը, 1913-ին։ Մօրենական կողմէ կը սերէր ԺԹ. դարուն արեւմտահայութեան երեւելի դէմքերէն Յարութիւն ամիրա Կէլկէլեանի գերդաստանէն։ Մօր ջանքերով փոքր տարիքէն սկսեալ կը ստանայ դաշնամուրի կրթութիւն։ 1932-ին մեկնեցաւ Փարիզ, ուր դաշնամուրի կրթութիւն ստացաւ École Normale de Musique-ի մէջ։ Դաշնամուրի, դաշնակութեան, մանկավարժութեան եւ երաժշտական պատմութեան դասեր առած է Galanti-Kastler-էն, Cortot-էն, Lazar Lévy-էն, Dandelot-էն եւ Nadia Boulanger-էն։

1939-ին, երբ Փարիզէն վերադարձին, Կրիկի դաշնամուրի համերգը նուագեց Միւհենտիսեանի սիմֆոնիք նուագախումբին հետ, որ այդ շրջանի ամենակարեւոր նուագախումբերէն էր։ 1950-էն սկսեալ, կանոնաւոր կերպով, Պոլսոյ ձայնասփիւռէն վարեց դաշնամուրի հաղորդումներ։ Ստանպուլի թեքնիք համալսարանի հեռատեսիլի կայանին համար պատրաստեց դասական երաժշտութեան հաղորդումներ։

1952-ին սկսաւ դաշնամուր ուսուցանել։ Ունեցաւ բազմաթիւ աշակերտներ։ Մինչեւ 1992 թուականը շարունակեց իր այս համեստ ու նուիրեալ աշխատանքը։

Յակոբ Այվազի «Քուլիս» հանդէսին մէջ հրատարակուած գրութիւնները 1993-ին հաւաքեց կողքի մը տակ՝ «Երազի նման» վերնագրով։ Մեռաւ 2000-ին։ Մարմինը ամփոփուած է Պալըքլըի գերեզմանատունը՝ իր քրոջ, գեղանկարիչ, թարգմանիչ Ֆիմի Մազլումեանի (1907-1988) կողքը։

Sitemize giriş yaparak kişisel verileriniz, site kullanımınızı analiz etmek, sosyal medya özellikleri ve reklamları kişiselleştirmek amacıyla çerezler aracılığıyla işlenmektedir. Detaylı bilgi için Çerez Politikası Metni’ni okuyabilirsiniz. Anladım butonuna tıklayarak açık rıza beyanında bulunmuş olursunuz.