Գեղագիտական Ազգայնականութիւն
Մարկ Նշանեան
585,00 ₺
Etiket Fiyatı: 650,00 ₺
Բացատրութիւն՝
«ԿԱՄ մատենաշար»ի այս երկրորդ միաւորը ԺԹ. դարու ազգայնացումի երեւոյթին կ՚անդրադառնայ, իրարմէ անջատելով ու կողք կողքի դնելով անոր երկու երեսները՝ ազգային բանասիրութեան սկզբնաւորութիւնը եւ առասպելաբանական կրօնքին գիւտը։ Երկուքին միջեւ կապակցութիւնը յայտնի կը դառնայ միայն երբ նկատի առնենք կայսերական իշխանութեան համակարգին մէջ՝ ենթակայ ժողովուրդներուն մօտ ազգայնացումի հոլովոյթը։ Նշանեան նոյն երեւոյթին երկու երեսներէն իւրաքանչիւրը պահած է իր բաժնին մէջ, երկուքին միջեւ ագուցումը կրկին երեւցնելու համար որպէս հարց, եւ ո՛չ թէ որպէս ստուգութիւն։
Ետեւի կողքը՝
Բնական է՝ երկու հոսանքները անկախ չեն իրարմէ։ Հաւանաբար՝ նոյն երեւոյթն են, երկուքի բաժնուած։ Բանասիրութեան ծաւալումին երկու երեսներն են, անոր երկու մեծ «գիւտեր»ով։ Բնիկին գիւտը, առասպելին գիւտը։ Ինքնահայեցութեան պատմականացած էակին գիւտը, առասպելաբանական կրօնքին գիւտը։ Եւ սակայն երբ բնիկը երեւան կը բերենք Եդուարդ Սայիտէն մեկնելով, եւ առասպելաբանական կրօնքը՝ Շելլինկի փիլիսոփայութեան կամ ԺԹ. դարուն յատուկ կրօնագիտութեան ստորոգութիւններէն մեկնելով, այդքան ալ բացայայտ չէ երկուքին միջեւ կապակցութիւնը։ Կապակցութիւնը յայտնի կը դառնայ միայն երբ նկատի առնենք կայսերական իշխանութեան համակարգին մէջ՝ ենթակայ ժողովուրդներուն մօտ ազգայնացումի հոլովոյթը (եւ անոր աղիտալի վախճանը)։ Ահաւասիկ ինչո՛ւ դէմ դիմաց դրի բանասիրական յեղափոխութեան երկու երեսները, ինչո՛ւ անոնց կազմած միութիւնը ուզեցի ներկայացնել իր լման խնդրականութեամբ, առանց միջարկումի։ Ամէն մէկը ուզեցի պահել իր բաժնին մէջ, երկուքին միջեւ ագուցումին երեւոյթը կրկին երեւցնելու համար որպէս հարց, եւ ո՛չ թէ որպէս ստուգութիւն։
Հեղինակին մասին՝
Մարկ Նշանեան
Ուսողութեան դոկտորականը աւարտած է Փարիզ, փիլիսոփայութեանը՝ Սթրազպուրկիհամալսարանը։ 1995էն 2007 վարած է Նիւ Եորքի Գոլումպիա համալսարանի հայագիտական ամպիոնը։ 2015 թուականին դասաւանդած է Իսթանպուլի Սապանճը համալսարանը։ Կարեւոր գործերն են՝ “Âges et usages de la langue arménienne (1989), “Writers of Disaster” (2002), “La Perversion historiographique” (2006), “Entre l’Art et le témoignage։ Littératures arméniennes au XXe siècle” շարքէն երեք հատոր (2006-2008), “Le Sujet de l’histoire” (2015) եւ«Պատկեր Պատում Պատմութիւն» շարքի զոյգ հատորները։ 1980 թուականէն ի վեր կը հրատարակէ «Կամ» հանդէս վերլուծականը։ Իր խմբագրութեամբ 2024 թուականին սկսած է ԿԱՄ Մատենաշարը, որ լոյս կը տեսնէ Արաս Հրատարակչատունէն։ Կ՚ապրի Լիզպոն։
