Վերճիհան Զիֆլիօղլու

Ծնած է 1975- ին, Պոլիս։ Շրջանաւարտ է Բանկալթըի Մխիթարեան վարժարանէն եւ Անատոլու համալսարանի հանրային յարաբերութիւններու ճիւղէն։ Արձակ ու չափածոյ գործերը հրատարակուած են «Մարմարա», «Ժամանակ», «Ակօս», «Նոր սան», «Շիրակ» (Պէյրութ) եւ նման պարբերականներու էջերուն։ Քանի մը գործերը թարգմանուած են անգլերէնի, արաբերէնի ու վրացերէնի։ 1998-2006 թուականներուն աշխատած է «Հիւրրիէթ»ի մշակոյթի ու արուեստի բաժնին մէջ։ Կ՚աշխատի Turkish Daily News անգլիալեզու թերթին մէջ։