Հայերէն
Վալանթին Մազլում՝ Դաստիարակ Դաշնակահարը
Վալանթին Մազում
Այս յուշամատեանը կը պատմէ դաշնակահար Վալանթին Մազլումի կեանքն ու գործունէութիւնը, կու տայ իր յուշերն ու գրութիւնները, նուագահանդէսներուն ու աշակերտական ունկնդրութիւններուն արձագանգները, իր մասին գնահատագիրեր, սրտի խօսքեր, ինչպէս նաեւ լուսանկարներ ու յայտագիրի պատճէններ: Նախաբանը գրի առած է Մազլումի առաջին սաներէն Անայիս Անդրէասեան-Եալտըզճեան։ Ան կը նշէ, թէ հաւաքական գործակցութեամբ պատրաստուած հատորը իրականացումն է Վալանթին Մազլումի փափաքին, որ էր կողքի մը…
202,50 ₺
Etiket Fiyatı: 270,00 ₺
Դէպի Պիթլիս Ուիլիըմ Սարոյեանի Հետ
Պետրոս Զօպեան
1964-ին «Նոր Մարմարա» օրաթերթին մէջ հրատարակուած յօդուածաշարքը ընթերցողներուն կը ներկայանայ իբրեւ գիրք, ուր զետեղուած են նաեւ 135 լուսանկար, ինչպէս նաեւ վաւերագրական արժէք ունեցող լուսապատճէններ եւ դէպի Պիթլիս կատարուած այդ ճամբորդութեան քարտէսը: Գիրքը Սարոյեանի սիրահարներուն համար խիստ հետաքրքրական է, քանի որ հոն Սարոյեանը կարելի է տեսնել հայրենի աշխարհին՝ Պիթլիսին մէջ, ուր ապրէր էին իր ծնողները։
Հանելուկ
Վերճիհան Զիֆլիօղլու
Ստանպուլահայ բանաստեղծուհիի երկրորդ հատորն է «Հանելուկ»ը։ Այս նոր գիրքին մէջ ան ամփոփած է ընդհանրապէս 2000-2006-ի միջեւ գրուած շուրջ 60 բանաստեղծութիւն, որոնց մօտ զգալի է նորարարական շունչ եւ մանաւանդ ձեւի նոր որոնումներ՝ ի տարբերութիւն իր առջինեկին՝ «Անանուն երազ»ին: Ան կը շարունակէ պոլսաահայ գրական աւանդոյթները, որոնք ձեւաւորուած են անցեալ դարուն՝ յատկապէս Ճանճիկեանի, Զահրատի, Խրախունիի գծած ուղիով։
Անանուն երազ
Վերճիհան Զիֆլիօղլու
Ստանպուլահայ երիտասարդ բանաստեղծուհի Վերճիհան Զիֆլիօղլուի անդրանիկ բանաստեղծական հաւաքածոն է «Անանուն երազ» հատորը: Այս հատորին մէջ կան մօտ յիսուն բանաստեղծութիւն, որոնք մեծ մասամբ լոյս տեսած են «Նոր Մարմարա
Արձագանգ եւ Անցորդը
Արփիար Տէր-Մարգարեան
Հատորին մէջ ամփոփուած են ուսուցիչ Արփիար Տէր Մարգարեանի պատմուածքները: Ան կը բաղկանայ երեք մասերէ՝ «Արձագանգ», «Անցորդը» եւ հրատարակչատան կողմէ կցուած յաւելուածի բաժինը:
Հեղինակը ընթերցողին կը հրամցնէ «մեծ մասով խոնարհ մարդոց, ուսուցչական եւ ուսանողական կեանքէն առնուած իրական եւ վաւերական պատկերներ», որոնք ներսէն դիտողի մը կողմէ բացուած պատուհաններ են՝ դէպի պոլսահայ կրթական կեանքն ու իրականութիւնը:
225,00 ₺
Etiket Fiyatı: 300,00 ₺
Ու ես կ՚երթամ
Շաւարշ Քահանայ Պալըմեան
Ու Ես Կ'երթամ հատորը կը բովանդակէ Շաւարշ Քահանայ Պալըմեանի ստորագրութեամբ 1964-1970ի միջեւ Մարմարա օրաթերթի մէջ համանուն խորագրին ներքեւ լոյս տեսած 57 գրութիւններ, որոնք մեծամասնութեամբ արդիւնքն են քահանայական պաշտօնով դէպի գաւառ՝ յատկապէս դէպի հարաւային եւ արեւելեան նահանգներ կատարած իր ճամբորդութիւններուն: Այս գրութիւնները կարեւոր են որովհետեւ կը ներկայացնեն այսօր ալ աւելի նօսրացած ու նոյնիսկ ամայացած «հայ Անատոլու»ի քառասուն տարի առաջուան հարազատ մէկ…
225,00 ₺
Etiket Fiyatı: 300,00 ₺
Յաղթանակի ճամբան
Արա Ակինեան
Լրագրող Արա Ակինեանի «Յաղթանակի ճամբան» վէպը առաջին անգամ հրատարակուած է 1963-ին: Վէպը կը բաղկանայ 41 գլուխէ, ուր նկարագրուած է Պէզճեան ամիրայի վերելքը, Սուլթան Մահմուտի հետ ունեցած մտերմութիւնը եւ իր գործունէութիւնը իբրեւ պետական եւ ազգային գործիչ: Այս նոր տպագրութիւնը ունի յաւելուածի բաժին մը, ուր տրուած են Պէզճեանի կեանքէն եւ Մահմուտ Բ.-ի շրջանէն, ինչպէս նաեւ Ակինեանի մասին հետաքրքրական տեղեկութիւններ։
270,00 ₺
Etiket Fiyatı: 360,00 ₺
Գարեգին Պատրիարք Խաչատուրեան
Յ. Ճ. Սիրունի
Էսաեան եւ Կեդրոնական վարժարաններէ ընթացաւարտ Յ. Ճ. Սիրունիի այս ուսումնասիրութիւնը լուսարձակի տակ կ՚առնէ Գարեգին արք. Խաչատուրեանի անձն ու վաստակը։ Հատորը նաեւ հրատարակիչ սաներուն մատուցած տուրքն է արմաշական իրենց հիմնադրին՝ Գարեգին Խաչատուրեանին, իր ձեռակերտը եղող Ս. Խաչ Դպրեվանքի 50-ամեակին առթիւ: Այս մենագրութեան մէջ ընթերցողը պիտի գտնէ նաեւ «Նարեկ»ի վերլուծումը՝ Սիրունիի գրիչով։
243,00 ₺
Etiket Fiyatı: 324,00 ₺
Զարմանալի աշխարհ
Ս. Ք. Զանգու
Տարօնի իր արմատներէն առած բանաստեղծական աւիշով սնած ու ստանպուլահայ կրթական օճախներու շունչով տոգորուած, դեռ Կեդրոնականի աշակերտ՝ յայտնութիւն մը եղած էր Զանգու: Հարկադրաբար բաժնուելով երկրէն, ան մաս կազմեց Ֆրանսահայ գրողներու միութեան: Այս մէկը իր եօթներորդ գիրքն է, որ բանաստեղծութիւններու կարգին կը բովանդակէ նաեւ վերլուծական, գրախօսական, կենսագրական, քննադատական արձակ էջեր, ինչպէս նաեւ նամակներ։
259,20 ₺
Etiket Fiyatı: 345,60 ₺
Հայերէն բառգիրք
Գեղամ Քերովբեան
Հայերէնի ուսուցիչ Գեղամ Քերովբեան-Իշքօլի (1924-1980) «Հայերէն բառգիրք աշխարհաբար լեզուի» աշխատութիւնը լոյս տեսած է 1962-ին: Քերովբեան-Իշքօլ բառարանը կազմած է դպրոցականներու անմիջական պահանջները գոհացնելու մտադրութեանբ եւ հայ բառերը իրենց յատուկ ու նաեւ փոխաբերական ինաստով դիւրութեամբ ծանօթացնելու նպատակով։
Հեղինակին աշակերտներէն Արտաշէս Մարկոսեանի խմբագրութեամբ՝ այս հրատարակութիւնը խմբագրական միջամտութիւններով ու բազմահարիւր նոր թրքերէն համարժէքներով «վերամշակուած» տարբերակ մըն է: Հատորը կը բաղկանայ մօտ 10.000 բառէ:
459,00 ₺
Etiket Fiyatı: 612,00 ₺