Մշուշէն անդին
նոր

Մշուշէն անդին

Զահրատ

37,50 

Etiket Fiyatı: 50,00 

%25
Yurtdışı fiyatı: 
$9,00
Սեռ՝Բանաստեղծութիւն
Լեզուն՝Հայերէն
Խմբագիր՝

Ե.Փ. Թովմասեան - Սեւան Տէյիրմենճեան

Կողքի ձեւաւորում՝

Արէտ Կըճըր - Մելիսա Արսէնեան

Տպագրութեան մասին՝

Ա տպագ., Սեպտեմբեր 2022

Էջն ու չափերը՝

80 էջ, 15x21,5 սմ

ISBN

9786257460149

Բացատրութիւն՝

Զահրատ (1924-2007), որ հայալեզու քնարերգութեան Ի դարու երթին իր դրոշմը ձգած արդիաշունչ ու իւրայատուկ անուններէն մէկն է, իր մահէն ետք եւս կը շարունակէ ապրիլ ու քաղցր անակնկալներ մատուցել զինք սիրողներուն։ Կնոջ՝ Անայիս Եալտըզճեանի կողմէ գրողի թողօնէն հանուած ձեռագիր մասունքներու վրայ բծախնդիր աշխատանքի մը արդիւնքին ի մի բերուած Զահրատի առաջին շրջանի բանաստեղծութիւնները թերեւս այն առաջին աստիճաններն էին, որոնք քերթողը կ՚առաջնորդէին ապագայի մեծ բանաստեղծին։ «Մշուշէն անդին», որ մամուլի մէջ ցրուած մէկ քանի քերթուած ալ կը պարունակէ, անկասկած պիտի խանդավառէ Զահրատի սիրահարներ ընթերցողները։

Ետեւի կողքը՝

Մշուշէն անդին -հեռուն-

Ծեր Արարատը տեսայ-

Ուրախ էր -ըսի- ինչո՞ւ-

Ըսաւ -Զահրատը տեսայ

Հեղինակին մասին՝

Զահրատ

ԶԱՀՐԱՏ բուն անունով Զարեհ Եալտըզճեան, 10 Մայիս 1924-ին ծնած է Պոլիս, Նշանթաշը թաղը։ Հօրմէն որբացած է երեք տարեկան հասակին։ 1942-ին աւարտած է Փանկալթըի Մխիթարեան վարժարանը։ Երեք տարի ուսանելէ ետք կիսաւարտ թողած է Ստանպուլի համալսարանի բժշկութեան ֆաքիւլթէն։ Սկսած է զբաղիլ առեւտուրով։ Առաջին բանաստեղծութիւնը հրատարակուած է 1943-ին, «Ժամանակ» օրաթերթին մէջ։ Առաջին գիրքը՝ «Մեծ քաղաքը», հրատարակուած է 1960-ին։ Յաջորդ գիրքերն են «Գունաւոր սահմաններ» (1968), «Բարի երկինք» (1971), «Կանանչ հող» (1976), «Մէկ քարով երկու գարուն» (1989), «Մաղ մը ջուր» (1995), «Ծայրը ծայրին» (2001), «Ջուրը պատէն վեր» (2004)։ Իր քերթուածները թարգմանուած են 22 լեզուներու։ Երգիծանկարիչ Օհան (Յովհաննէս Շաշքալ) Զահրատի կարգ մը բանաստեղծութիւնները թարգմանած է թրքերէնի՝ Yağ Damlası («Իյի Շէյլեր» հրատարակչութիւն, 1993, 2000), Yapracığı Gören Balık («Պելկէ» հրատարակչութիւն, 2002), Işığını Söndürme Sakın, («Ատամ» հրատարակչութիւն, 2004), Ferah Tut Yüreğini («Արաս» հրատարակչութիւն, 2015), Kediler («Արաս» հրատարակչութիւն, 2017), Bambaşka Bir Bahar («Արաս» հրատարակչութիւն, 2020)։ Զահրատ մահացաւ 21 փետրուար 2007-ին։ Զահրատ մահացաւ 21 փետրուար 2007-ին։ Թաղուած է Շիշլիի ազգային գերեզմանատան մէջ։

Sitemize giriş yaparak kişisel verileriniz, site kullanımınızı analiz etmek, sosyal medya özellikleri ve reklamları kişiselleştirmek amacıyla çerezler aracılığıyla işlenmektedir. Detaylı bilgi için Çerez Politikası Metni’ni okuyabilirsiniz. Anladım butonuna tıklayarak açık rıza beyanında bulunmuş olursunuz.